ROXAS CITY – Pormal na nga ginbaton sang gobernador sang probinsiya ang inisyal nga pondo nga ginturn over ni Senator Christopher Lawrence ‘’Bong’’ Go para gamiton sa pagsugod na sang operasyon sang Malasakit Center sa Roxas Memorial Provincial Hospital.
Ginpahayag ni Governor Esteban Evan Contreras II nga daku nga bulig ang inisyal fund nga P5 milyones para sa Malasakit Center bangud madamo na nga mga Capizeño ang mabuligan.
Ginpasalamatan man ni Contreras si President Rodrigo Duterte kag Senator Go bangud sa suporta kag pagpalangga nila sa mga Capizeño rason nga nagpa-in sila sang pondo para sa Malasakit Center.
Suno pa sa gobernador nga isa sa mga adbokasiya sini ang paghatag sang serbisyo medikal agud masiguro ang ikaayong lawas sang mga pumuluyo.
Pagatinguhaan man sini nga malab-ot ang target nga wala sang pagabayaran ang ma-confine nga mga pasyente sa Roxas Memorial Provincial Hospital (RMPH) kag iban nga mga pampubliko nga ospital sa probinsiya.
Nagalaum man si Contreras nga magluwas sa P5 milyones nga pondo sang Malasakit Center,madugangan pa ini tagsa ka bulan, kasubong sa ginpromesa sang senador.
Samtang nagtambong sa blessing kag launching sang Malasakit Center sa RMPH sanday Vice Governor Jaime Magbanua, Dr.Baord Member Dr. Steve Contreras, Thea Faith Reyes, Wildie Apolinario, Mayor Ronnie Dadivas, Vice Mayor Erwin Sicad, City Councilo Midelo Ocampo, Moreno Moring Gonzaga, anay Governor Victor Tanco Sr., Ting Borda kag iban pa.
