Mabaton na sang tanan nga mga government workers ang ila year-end bonus kag cash gift sa bulan sang Nobyembre.
Ini matapod magpaguha sang circular ang Department of Budget and Management kung sa diin nagapahanugot sa temprano nga pagpanghatag sang nasambit nga bonus kag cash gift kadungan sang ila una nga payroll sa bulan sang Nobyembre subong nga tuig.
Suno kay Budget Secretary Amenah Pangandaman, nag-isyu ini sang Budget Circular 2024-3 nga siya ang nag amyenda sa anay nga patakaran sa paghatag sang year-end bonus kag cash gift sa mga empleyado sang gobyerno.
Ang year-end bonus ang kabaylo sang isa ka bulan nga basic salary sang isa ka empleyado samtang ang cash gift ang nagabalor sang P5,000.
Samtang, ginsiguro naman sini nga mabaton ini sang tanan nga empleyado agud mangin masadya ang ila Paskwa.
