CAPIZ – Ginpasalamatan ni Governor Fredinel “Oto’ Castro ang mga Barangay Health Workers (BHWs), Barangay Nutrition Scholars (BNSs) kag Barangay Service Point Officers (BSPOs) sa ila ginahatag nga serbisyo sa mga pumuluyo.
Sa gindul-ong nga mensahe sang gobernador, ginsiling sini nga iya nahangpan ang obligasyon kag responsibidad sang mga opisyal kabangdanan nga ginpakamaayo nila nga dugangan ang kantidad nga ila mabaton.
Mahibaluan nga nagbaton sang ila tagsa ka Special Risk Allowance (SRA) ang 1,862 ka mga Barangay Health Workers (BHWs), 138 nga Barangay Nutrition Scholars (BNSs), kag 295 nga Barangay Service Point Officers (BSPOs).
Kung sa diin 421 diri ang nagikan sa banwa sang Maayon, 267 sa President Roxas, 390 sa Pilar, 376 ang sa Panitan, 437 sa banwa sang Pontevedra, kag 420 ang sa Panay.
Nagbaton sang tig-P6,000.00 ang mga BHWs samtang tig-P4,500 naman ang mga BNSs kag BSPOs.
