Ginpabugal sang gobernador sang Capiz ang kapasidad sang probinsiya para maka-store sa ultra low freezer sang mga vaccines nga ginapadala sang gobyerno nasyunal kasubong sang Sinovac, Pfizer, AstraXeneca, Johnson and Johnson ukon Janssen kag iban pa.
Ginpahayag ni Governor Esteban Evan Contreras II sa nag-abot nga alokasyon sang J & J vaccine kaina nga 6,000 vials ukon 30,000 doses, 5,000 plus doses ang magakadto sa Roxas City kag 1,800 ukon 2,000 doses ang mabaton sang mga kabanwahanan depende sa populasyon.
Suno sa amay sang probinsiya nga ginatinguhaan sini nga mahatagan sang bakuna ang tanan nga mga Capizeño.
Samtang daku nga bagay ang ultra low freezer sang probinsiya, agud mahatag ang request sang gobernador nga mga bakuna, bangud sarang ini nga maka-store sang tanan nga vaccine.
