ROXAS CITY – Ginkumpirma sang gobernador sang probinsiya sang Capiz nga may gintukod nga technical working group nga magatutuk sa COVID response.
Katuyuan sini nga makadihon sang programa para sa madasig nga proseso sang igahatag nga assistance sa vaccine road map sang gobyerno nasyunal.
Sa interview sang Bombo Radyo Roxas kay Governor Esteban Evan Contreras II, ginpahayag sini nga sa karon may inisyal nga P80 milyones nga pondo ang gobyerno nga ginpa-in para sa nasambit nga lihok.
Apang suno sa opisyal nga nagpasalig ang gobyerno nasyunal nga may alokasyon sila nga 73.5 bilyones pesos para mabakunahan ang 70 porsyento sang populasyon.
Nahibaluan man nga sa nasambit nga plano wala malakip ang nagapang-edaron sang 16-anyos panubo bangud santu sa DOH nga wala pa madala ang nasambit nga age group sa safety study.
Aminado man si Governor Contreras nga sa pihak sang pasalig sang national government angut sa alokasyon para sa COVID-19 vaccine, ginaganyat sini ang mga LGUs nga magpa-in sang pondo agud pananglitan nga kulangon may counter part sila nga gamiton.
