ROXAS CITY – Ginpasalig ni Governor Esteban Evan Contreras II ang publiko nga indi magkuha sa kaban sang gobyerno probinsiyal sang kantidad nga gamiton sa iya pagpakaon sa selebrasyon sang iya ika 50-anyos nga kaadlawan sa Nobyembre 6, 2019.
Ginhimo sang gobernador ang pahayag bilang sabat sa isyu nga pagduda sang iban nga gindungan ang kahiwatan sa kaadlawan sang amay sang probinsiya, agud mangin isa na lamang ang gasto.
Ginpanindugan ni Contreras nga ang gasto sa preparasyon sa panyaga sa iya kaadlawan ang indi magahalin sa gobyerno, kundi sa pila ka mga indibidwal, grupo sang mga volunteers kag mga sumalakdag nga personal nga maganagtag sang ila nga bulig.
Suno diri nga sa iya paryente nga nag-offer sa iya sang bakasyon sa luwas sang pungsod, ginhinyo sini nga gamiton na lamang ang pa-birthday sa iya sa pagpakaon sa magatambong sa 50th Golden Thanksgiving celebration.
