Satisfied ang gobernador sa performance ni Atty. Emilyn Depon bilang pinuno sang CAPENRO.
Ini ang ginpahayag ni Capiz Governor Esteban Evan Contreras II bilang reaksyon sa panawagan sang Sangguniang Panlalawigan members nga ginaduso ang pagpahalin kay Atty. Depon, bangud sa ila panindugan nga pagkadula na sang ila trust and confidence sa opisyal.
Suno sa amay sang probinsiya nga kuntento ini sa ginapakita nga performance ni Atty. Depon kag nakita sini nga passionate kag dedikado ang pinuno sang CAPENRO sa iya trabaho, gani para kay Governor Contreras nga wala sang rason para iya ini i-terminate sa pwesto.
Ginpahayag pa sang opisyal nga kuntani dulaon na ang pamulitika sa baylo magbuligay na lamang ang tanan labi na karon nga nagapangatubang sa pandemya ang kalbiutan.
Gintuad sini sang nagpungko ini bilang gobernador madamo nga mga department heads ang nagakontra sa iya, apang ginretain sini ang amo nga mga officers sa mga departamento matapos nga nakita sini nga naga-perform sang maayo sa ila trabaho.
Ang importante suno kay Contreras nga ginahimo sang natungdan ang ila nga trabaho kag nakabulig sila sa iya nga administrasyon.
