Wala pa sang nabaton nga reply ang gobernador sang probinsiya sa ginpadala nga opinyon angut sa ginpaguha nga Executive Order sang alkalde sang syudad may kaangtanan sa rules and policies on franchising, regulation and operation of tricycle sa Roxas City.
Ginpahayag ni Governor Esteban Evan Contreras II nga yara sa idalum sang gobyerno probinsiyal ang syudad sa diin napagkit sa local government code nga tanan nga executive orders sang mga alkalde kalakip na sa Roxas City ang dapat mag-agi sa pagreview sang gobernador.
Ginklaro sang opisyal nga wala sini ginakwestyon ang intensyon sang executive order, apang indi sakup sang otoridad sang alkalde nga pangunahan ang pagrenew sang frankisa ukon pagkanselar sang mga frankisa sang mga tricycle.
Nagapati si Governor Contreras nga posible nalimtan lamang ni Mayor Dadivas nga wala ini sang otoridad nga maglegislate bangud nasandig ini sa Sangguniang Panlungsod ang pagregulate kag paghatag franchises sa mga tricycle.
Nagapanindugan ang gobernador nga indi dapat ma-implementar ang nasambit nga executive order. Ginklaro man ni Governor Contreras nga wala ini sang malain nga tuyo kundi luyag lamang matadlong ang sala.
