ROXAS CITY – Nagpasalig ang gobernador nga himud-usan sang iya administrasyon nga mapaayo pa ang ginahatag nga serbisyo sa mga district hospitals sa probinsiya humalin sa pagbinatasan ukon pagtratar sang medical staff kag bulong nga kinahanglanon sang mga pasyente.
Nagalaum si Governor Esteban Evan Nonoy Contreras nga kasunod sa pagdugang sa sweldo sang mga contractual kag casual nurses sa mga pampubliko nga ospital magaperform na sila sang maayo sa ila trabaho kag magaserbisyo sang maayo sa mga pumuluyo.
Aminado ang opisyal nga sadto pa madamo na sang reklamo nga nakalab-ot sa gobyerno sang probinsiya angut sa ginaalegar indi maayo nga pagtratar sang medical staff sa mga pasyente sang Roxas Memorial Provincial Hospital.
Apang suno kay Governor Contreras nga sa iya administrasyon tingwaan sini nga madula na ang mga reklamo agud mangin harmonious na ang relasyon sang tanan.
