Governor sang Capiz nagpaguwa sang EO nga nagadumili sa pag-import sang meat products gikan sa Luzon kag iban nga pungsod

ROXAS CITY – Temporaryo nga ginadumilian ang importasyon sang live pigs,  pork, and pork-related products para mapunggan ang pagsulod sang African swine fever (ASF) sa probinsiya sang Capiz.

Nagpaguwa sang Executive Order (EO) No.014 series of 2019 si Capiz Governor Esteban Evan Contreras nga nagadumili sa pag-import sang mga meat products gikan sa Luzon kag apektado nga pungsod.

Ginpaandaman man ang mga negosyante nga likawan ang mag-impot sang mga  processed kag frozen meat nga gikan sa mga pungsod nga may  reported cases sang ASF.

Nagpaguwa sang abiso ang Food and Drug Administration (FDA) sa publiko nga nagadumili sa pagbakal kag pagkunsumo sang mga processed meat products nga gikan sa mga pungsod nga kilala nga apektado sang ASF.