Nagpirma ang mga ahensya sang gobyerno sa bag-o nga guidelines nga nagatuyo nga dalayon nga tapuson kag mapunggan ang pagbalik sang Philippine Offshore Gaming Operators (POGO) sa pungsod.
Ginpangunahan ni Executive Secretary Ralph Recto sa Malacañang ang pagpirma sa implementing rules sang Executive Order No. 74 ni Presidente Ferdinand Marcos Jr., nga nagabawal sa tanan nga POGO kag internet gaming licensees (IGLs).
Suno sa gobyerno, ang katuyuan sang sini nga patakaran indi lamang ang pagguba sang operasyon kundi ang pagguba man sa mga epekto sini pareho sang human trafficking kag scam hubs, samtang ginapadali man ang pag-seize sang mga asset kag pagpasaka sang kaso.
Samtang, gamiton man sang iban nga ahensya pareho sang DOJ, AMLC, kag SEC sa imbestigasyon kag financial tracking sang mga sindikato.
Ginpahayag sang Palasyo nga ini ang para masiguro nga indi na gid makabalik ang POGO sa bisan ano nga porma.
