SIGMA, CAPIZ – Dead on Arrival ang isa ka grade 12 student matapos nga ginaalegar aksidente nabungguan sang salakyan ang ginamaneho sini nga motorsiklo sa Barangay Dayhagon, Sigma, Capiz.
Ginkilala ang biktima nga si John Mark Gallardo, 19 anyos sang Barangay Poblacion Norte, Sigma, Capiz.
Suno kay Police Staff Sergeant Joseph Bela-ong, imbestigador sang Sigma Municipal Police Station nga hinali na lamang nagliko si Gallardo gikan sa crossing Cogon kag magapauli na kuntani sa ila balay.
Bangud sa kakulangan sang suga sang motorsiklo ni Gallardo, aksidente ini nga nabungguan sang salakyan nga ginamaneho ni Erwin Jaruda, 42 anyos sang Arnaldo Boulevard, Roxas City sa diin naggikan sa probinsya sang Iloilo kag pabalik na kuntani sa syudad sang Roxas.
Gindala pa si Gallardo sa Mambusao District Hospital apang gindeklarar man ini nga dead on arrival samtang temporaryo naman nga ginkustodiya sa Sigma Municipal Police Station ang driver sang salakyan.
