ROXAS CITY – Dead on Arrival ang isa ka Grade 9 student matapos ginaalegar nga nalumos sa suba sang Badbaran, sa Sitio Caladman, Barangay Astorga, Dumarao, Capiz.
Ginkilala ang biktima nga si alyas “Josh” 17 anyos sang Barangay Mahunod-hunod, Cuartero, Capiz.
Base sa inisyal nga imbestigasyon sang Dumarao Municipal Police Station nga nagpadulong ang biktima kaupod ang mga classmates sini sa suba bangud may yara sila sang ginahimo nga Movie Project.
Nagaguwa sa imbestigasyon nga posible may yara sila sang pagaubrahon nga eksena nga magalangoy sa suba rason nga nagdive ang biktima apang wala na ini makabutwa.
Bangud diri, gilayon man nga naglumpat ang mga kaupdanan sini para luwason kuntani ang biktima apang wala na ini sang kabuhi.
Ginapatihan nga madalum ang suba nga ginlumpatan sang biktima rason nga nalumos ini.
Gindala pa ang biktima sa pinakamalapit nga ospital apang gindeklarar nga dead on arrival.
