Isa ka graduate sang Capiz State University-Main Campus ang nagdala sang dungog sa unibersidad matapos makakuha sang ika-6 nga pwesto sa August 2026 Certified Plant Mechanics Computer-Based Licensure Examination.
Sa interview sang Bombo Radyo kay Cris Alianza, graduate sang Bachelor of Science in Mechanical Engineering sang CAPSU-Main Campus, nga nakakuha sang 84.65 porsyento nga rating, iya ginpahayag nga indi lamang ini paghatag sang dungog sa CAPSU, kundi paghatag man sang CAPSU-Main Campus bilang Top 1 sa mga top-performing schools nga may 84 percent nga passing rate.
Suno kay Alianza, ang paglab-ot sang Top 6 isa ka daku nga accomplishment indi lamang para sa iya kaugalingon kundi para man sa iya pamilya, mga manunudlo kag bug-os nga CAPSU community.
Nahibaluan nga sa 25 ka examinees sang unibersidad, 21 ang nakapasar sa eksaminasyon.
Dugang pa sang natungdan, indi magpundo sa mga handum, magtimakas kag ipabilin ang pagsalig sa Ginoo sa mga bagay nga gusto nga lab-uton.
