Ginhaboy sang wala makilala nga suspek ang granada sa Charlie Headquarters Command Post sa Barangay Macaguiling, Sultan Kudarat, Maguindanao del Norte.
Sa exclusive interview sang Star FM Cotabato kay Lt. Col. Ronald Suscano, spokesperson sang 6th Infantry Division, nagpahayag nga nakuha sang CCTV footage ang insidente, nga makita ang granada nga ginhaboy kag kasunod sini nga naglupok sa sulod sang compound sang kampo.
Sa pihak sang paglupok, wala sang ginreport nga napatay ukon nasamaran nga mga soldado.
Gilayon nga ginpatuman sang tropa sang militar ang mas hugot nga tikang sa seguridad kasunod sang insidente.
Naka- heightened alert naman ang pwersa militar kag checkpoints sa lugar samtang padayon ang imbestigasyon agud matumod kag madakpan ang responsable sa pagpang-atake.
