-- ADVERTISEMENT --
ROXAS CITY – Personal nga ginturn-over sa Cuartero Municipal Police Station sang isa ka 36-anyos nga lalaki ang isa ka granada nga ginapahayag nakutkutan sa likod sang ila puluy-an sa Brgy. Agcabugao sa nasambit nga banwa.
Sandig sa impormasyon nga nakuha sang Bombo Radyo nagikan sa Cuartero Municipal Police Station, nagpadulong sa istasyon takna 6:20 sang kagab-i ang wala na ginhingadlan nga persona agud boluntaryo sini nga i-turn-over ang isa ka explosive hand grenade M25.
Sa karun yara na ang nasambit nga granada sa paghinakop sang Firearms Explosives and Security Agencies Guard Supersion sang Cuartero MPS para sa nagakaigo nga disposisyon.
