Grass fire incident, nagluntad sa banwa sang Panay

PANAY, CAPIZ – Nagluntad ang isa ka grass fire incident sa Barangay Anhawon, Panay, Capiz.

Madasig nga nagresponde sa lugar ang mga katapo sang Pontevedra Municipal Fire Station agud mapalong ang kalayo.

Ginapahayag nga may yara sang bodega malapit sa ginluntaran sang sunog rason nga gintinguhaan sang mga bombero nga matapna ang paglapta sang kalayo.

Base sa inisyal nga imbestigasyon nga posible wala mapatay nga upos sang sigarilyo ang gintunaan sang sunog.

Nagalab-ot sa tunga sa ektarya ang kalaparon sang duta nga gintupok sang kalayo nga ginapanag-iyahan sang pamilya Bercades kag Deslate.

Wala pa man mapat-od ang kabug-usan nga kantidad sang nangin kahalitan sa amo nga sunog.