Ginpakigbahin sang TV news anchor nga si Gretchen Ho ang paglantaw niya sa nangin pahayag ni President Ferdinand “Bongbong” Marcos, Jr. may kaangtanan sa makahas nga pahayag kag ginapahayag pagpamahog sa iya ni Vice President Sara Duterte subong man sa iya asawa nga si First Lady Liza Araneta-Marcos, kag House Speaker Martin Romualdez.
Sa facebook live sang pangulo kahapon nga adlaw sang Lunes, Nobyembre 25, ginpahayag ni PBBM nga wala dapat ginapalampuwas ang anuman nga threat ukon pagpamahog0 sa kabuhi sang pinakamatag-as nga lider sang pungsod.
Sa X post naman ni Gretchen, makit-an nga samtang ginalantaw niya si PBBM sa iya nga cellphone, nagakaon ini sang “Piattos” kaupod ang iban pa, samtang ara ang mga ini sa sulod sang iya nga salakyan.
Ang nasambit nga brand sang sitsirya ang gikan naman kay “Mary Grace Piattos” nga ginatumod amu ang nagpirma sa mga resibo sang transaksyon sang Office of the Vice President (OVP) sa paggamit sang pondo sini, nga ginahibalo pa kun sin-o ukon kun matuod nga may naga-exist nga kasubong nga personalidad.
Sa isa ka interview sang media, ginpahayag naman ni VP Duterte nga wala siya sang makomento nahanungod kay Mary Grace Piattos bangud wala man suno diri nag-agi sa iya ang tanan nga mga dokumento nga ginapasa sang OVP sa Commission on Audit (COA).
