ROXAS CITY – Partially burned ang isa ka grocery store matapos ang nagluntad nga sunog sa Barangay Poblacion Tabuc, Panay, Capiz takna alas 4:50 kagaina sang aga, Enero 21, 2024.
Sa nakuha nga impormasyon sang Bombo Radyo sa lugar, natalupangdan nalang sang mga tawo nga naga-aso na sa sulod sang isa ka balaligyaan nga ginapanag-iyahan man ni John Lloyd Asignacion.
Gilayon man nga nagpanawag sang bulig ang mga tawo nga amo ang nakakita sa sunog kag madasig man ini nga ginrespondehan sang katapo sang bombero.
Mahibaluan nga wala pa sang tawo ang amo nga balaligyaan sang nagluntad ang amo nga sunog.
Suno pa sa pagpakig-angut sang Bombo Radyo News Team sa lugar, ginpahayag sini nga maswerte lamang kag madasig nga napalong ang kalayo kag wla na nagdako pa ang nasambit nga sunog.
Samtang, gindeklarar naman nga fire-out takna alas 5:23 sang aga.
Sa karon, padayon pa ang imbestigasyon sa katapo sang BFP Panay agud mahibaluan ang gintunaan sang amo nga sunog.
