Nagnubo sa P87.81 billion ang gross borrowings sang National Government sang Oktubre, suno sa Bureau of the Treasury (BTr), tuga sang dako nga pagnubo sang external debt. Mas mataas naman ang domestic borrowings nga naglab-ot sa P73.05 billion, nga nagabug-os sang 83.19% sang kabilugan nga borrowings.
Samtang, nagsarurot ang external borrowings sang 76.12% sa P14.76 billion halin sa P61.8 billion sang Oktubre 2024. Bangud sini, nagrekord ang gobyerno sang P11.2-billion fiscal surplus, una nga surplus halin Abril, kag nagresulta sa P1.11-trillion budget deficit sa una nga 10 ka bulan sang tuig.
Sa pihak sang pagnubo sang borrowings sa Oktubre, nagtaas sa gihapon ang gross borrowings sang National Government sang 2.19% sa P2.48 trillion sa una nga 10 ka bulan sang 2025.
