Nagtaas five percent ang Gross Domestic Product (GDP) sang probinsya sang Capiz sa pagsugata sang tuig 2026.
Sa interview sang Bombo Radyo kay Dr. Cesar Yap, board member sang sa First District of Capiz, iya ginpahayag nga maayo ini nga balita bangud buot silingon aktibo ang economic activity sang probinsya sa bahin sang serbisyo,retail kag agrikultural.
Suno kay Dr.Yap, ang pagdamu sang mga negosyo sa palibot ang nagakahulugan man nga naga-amat-amat na improve ang pagpangabuhi sang Capiznon.
Pahayag pa niya, isa ka pagpanghangkat ang pagpabilin ukon pagtriple sang amo nga porsyento bangud naga-umpisa pa lang ang tuig kag madamu sang mga palaabuton nga event.
Nagpanawagan man ang natungdan sa mga pumuluyo sang koordinasyon, kooperasyon kag pagsalig sa provincial government sa pagpadabong kag pagpaum-wad sang Gross Domestic Product.
