Naglab-ot sa $110.9 bilyon ang gross international reserves (GIR) sang Pilipinas sa katapusan sang 2025, suno sa preliminary data, nga nagapakita sang mabaskog nga external liquidity sang pungsod.
Katumbas ini sa halos pito ka bulan nga balor sang pag-import sang mga balaklon kag pagbayad para sa mga serbisyo kag panguna nga kita, mas mataas sangsa gintalana nga international adequacy benchmarks.
Ini nga reserba nagasakop man sang ginabanta apat ka beses sang malip-ot nga panahon nga utang sa guwa sang pungsod base sa residual maturity, nga nagahatag sang nagakaigo nga proteksyon batok sa posible nga pagbag-obag-o sang kapital kag iban pa nga mga external financing risks..
Ang gross international reserves ginabug-usan sang mga foreign-currency securities, foreign exchange holdings, kag iban pa nga reserve assets lakip na ang bulawan.
