PRESIDENT ROXAS, CAPIZGinpatigayon ang ground breaking ceremony sa pagatukuron nga fire station sa banwa sang President Roxas, Capiz kaina sang aga.
Ginpahayag ni SFO2 Marlon Garbo, Acting Municipal Fire Marshal sang Panitan fire station nga gikan sa pamunuan sang Bureau of Fire Protection national headquarters ang pondo nga gamiton sa pagpatindog sa nasambit nga fire station nga nahamtang sa Barangay Cabug-Cabug, President Roxas.
Kapin sa P7.5 million ang ginpa-in nga pondo para sa amo nga edipisyo nga pagasuguran na ang konstruksyon sa masunod nga mga inadlaw.
Nahibaluan nga gindonar ang lote sang Local Government Unit sang banwa sang President Roxas.
Samtang ongoing sa karon ang konstruksyon sang tatlo ka mga fire station sa tatlo ka mga banwa nga ginalakipan sang Pilar, Panay kag Cuartero.
