Nagpanawagan ang grupo sang Kadamay sa mga Senator-Judges sa impeachment trial ni Vice President Sara Duterte nga mangin patas sa ila pagdesisyon.
Sa interview sang Bombo Radyo kay Eufemia Doringo, Secretary General sang Kadamay, iya ginpahayag nga importante nga ikonsiderar sang mga Senator-judges ang matuod nga kahimtangan sang komunidad kag ang epekto sang korapsyon sa gobyerno sa kabuhi sang mga ordinaryo nga Pilipino.
Ginpanindugan man sini nga wala sang personal nga relasyon ang dapat maka-impluwensya sa ila desisyon apisar pa nga kaalyado, abyan ukon himata ang mga partido nga nalakip sa kaso.
Dugang pa sang natungdan, tion na para sa mga senador nga maghimo sang husto nga desisyon base sa ebidensya kag sa ila responsibilidad sa publiko.
