Nagpanawagan ang grupo nga Kalipunan ng Damayang Mahihirap ukon Kadamay para sa patas nga pagsaka sang sweldo para sa mga mamumugon sa pungsod, kasunod sang padayon nga pagtaas sang presyo sang gatong nga nagatuga sang dugang nga palas-anon sa ila matag-adlaw nga galastuhan.
Sa interview sang Bombo Radyo kay Eufemia Doringo, Secretary General sang Kadamay, iya ginpahayag nga indi lang mga motorista ang direkta nga apektado sang pagtaas sang gasolina kag diesel, kundi pati man ang mga mamumugon bangud mahimo ini magresulta sa mas mataas nga pletehan, presyo sang pagkaon kag iban pa nga basic goods.
Suno kay Doringo, kinahanglan ang reasonable kag patas nga pagtaas sang sweldo agud makabulig sa mga mamumugon nga makadungan sa padayon nga pagtaas sang cost of living kag pagnubo sang purchasing power.
Dugang pa sang natungdan, samtang nagasaka ang gasto sa transportasyon kag mga nagapanguna nga kinahanglanon, kinahanglan man nga siguraduhon nga ang mga mamumugon nagakita sang bastante para sa ila adlaw-adlaw nga mga kinahanglanon kag sang ila pamilya.
