Nagapanawagan sang pagpanabat ang grupo nga Kalipunan ng Damayang Mahihirap ukon Kadamay sa mga responsable sa ginakabig sini nga mga iregularidad sa mga flood control project sa pungsod.
Sa interview sang Bombo Radyo kay Eufemia “Mimi” Doringo, secretary general sang Kadamay, iya ginpahayag nga bangud sa indi husto nga paggamit sang pondo para sa flood control projects, madamu nga lugar sa pungsod ang padayon nga naga-atubang sang pagbaha.
Suno kay Doringo, kinahanglan nga mapanabat ang mga opisyal, kontraktor kag iban pa nga responsable sa mga iregularidad agud masiguro nga mangin husto kag epektibo ang paggamit sang pondo sang gobyerno .
Nagalaum naman ang natungdan nga paagi sa ila panawagan, mabatian ang tingog sang mga apektado nga komunidad kag mahatagan sang nagakaigo nga solusyon ang problema sa pagbaha, ilabi na ang mga lugar nga pirmi ginabaha
