Gintawag sang grupo nga Karapatan nga insensitibo ang desisyon nga ipaiway ang Barangay kag Sangguniang Kabataan Elections ukon BSKE nga natalana kuntani sa Nobyembre 2, 2026.
Ini kasunod sang pagpirma ni President Ferdinand “Bongbong” Marcos Jr. sa Republic Act No. 12326 nga naga-postponed sang BSKE kag nagapalawig sang termino sang barangay kag SK officials halin sa tatlo tubtob lima ka tuig.
Sa interview sang Bombo Radyo kay Raoul Manuel, National Council Member sang Karapatan, iya ginpahayag nga isa sa rason sa pagpalawig sang termino amo ang makapadayon ang mga barangay officials sa paghatag sang serbisyo kag pagpatuman sang mga programa.
Apang para sa ila, nagakadapat nga makapili ang publiko sang ila mga lider paagi sa eleksyon.
Dugang pa ni Manuel, ang pag-iway sang eleksyon kag pagpalawig sang termino sang mga opisyal nagalapas sa demokratiko sang mga pumuluyo nga makapili sang ila gusto mangin lider.
