Indi pabor ang grupo sang Karapatan sa ginaduso ni Senator Robin Padilla nga panubuon ang edad sang criminal liability sa pungsod.
Sa interview sang Bombo Radyo kay Mr. Raoul Manuel,Karapatan Council Member, iya ginpahayag nga indi dapat pagpadasigon ang pagpanubo sang edad sang criminal liability sang mga kabataan.
Sa baylo, mas dapat pabaskugon ang mga intervention kag programa para sa mga kabataan nga nalakip sa mga insidente sang krimen.
Suno kay Manuel, mas importante ang paghatag sang rehabilitasyon kag husto nga giya sa mga kabataan agud malikawan ang pagbalik sa kaangay nga buluhaton.
(TACLOBAN)
Pahayag pa niya, ang natabo nga insidente sa Tacloban City isa ka “wake-up call” para sa gobyerno agod mas mapabaskog pa ang mga tikang para sa proteksyon sang mga estudyante kag kabataan.
Madumduman nga sa idalom sang yara nga Juvenile Justice and Welfare Law, ang mga kabataan nga 10 anyos panubo an indi na mahimo kasuhan kriminal, samtang ang mga edad 15 tubtob 18 mahimo manabat depende sa ila paghangop sa ila nahimo nga sala.
Nagapanawagan man ang natungdan nga mas mapasangkad ang seguridad sa mga eskwelahan nga ginakabig nga ikaduha nga puluy-an sang mga estudyante, kag labi na gid ang mas aktibo nga paggiya sang mga ginikanan sa ila mga kabataan agod malikawan ang pareho nga mga insidente sa palaabuton.
