Nagalaom ang grupo nga Karapatan nga ang bag-o nga voting threshold sa impeachment trial ni Vp Sara nga mahimu nga magadala sa posibilidad nga ma-convict ang bise presidente.
Sa interview sang Bombo Radyo kay Raoul Manuel, National Council Member sang Karapatan, iya ginpahayag nga ang bag-o nga voting threshold mahimo nga makahatag sang epekto sa resulta sang impeachment proceedings.
Suno kay Manuel, dapat mag-stick sa bag-o nga two-thirds nga voting threshold agud indi ini mabag-o ukon indi magbend ang proseso sang impeachment.
Nahibaluan nga sa bag-o nga ruling sang impeachment court, ang “all members of the Senate” para sa two-thirds threshold magalakip sang mga senador nga legal kag aktwal nga makapartisipar sa impeachment proceedings sa tion sang botohan.
