Nagapati ang grupo nga Karapatan nga dapat ipresentar sa publiko ang tax kag bank records ni Vice President Sara Duterte sa Senate Impeachment Court agud masiguro ang transparency kag accountability sa ginahimo nga proseso sang impeachment.
Sa interview sang Bombo Radyo kay Raoul Manuel, Karapatan National Council Member, iya ginpahayag nga kabahin ini sang ginahulat sang publiko nga pagpahayag sang impormasyon, ilabi na sa mga alegasyon nga ginalantaw sang korte sa impeachment trial.
Suno kay Manuel, importante nga mahibaluan sang publiko ang mga rekord nga may kaangtanan sa kaso agud may yara sila sang mas klaro nga paghangop sa mga isyu nga ginatalakay sa korte.
Dugang pa sang natungdan, ginalauman nila nga mangin bukas kag transparent ang proseso sang impeachment, ilabi na sa pagtalakay sang mga dokumento kag ebidensya nga may kaangtanan sa mga alegasyon batok sa Bise Presidente.
