Nagapati ang grupo sang Karapatan nga ang gina-alegar pattern sang mga alegasyon sang misuse of confidential funds ni Bise Presidente Sara Duterte ang kaanggid man sa iban pa nga anomalya sa paggamit sang public funds.
Sa interview sang Bombo Radyo kay Raoul Manuel, Karapatan National Council Member iya ginpahayag nga importante nga pasabton ang sin-o man nga mapamatud-an nga nagalapas sa kasuguan kag siguraduhon nga magamit sang husto ang pondo sang publiko.
Suno kay Manuel, dapat man nga usisaon sang maayo ang tanan nga ebidensya kag dokumento nga ginpresentar sa nagapadayon nga impeachment triaAng nasambit nga pahayag ang kasunod sang argumento ni House Prosecutor Terry Ridon sa kontrobersiyal nga confidential funds sang Office of the Vice President (OVP) nga ginpaanggid sini sa Fertilizer Fund Scam kag Pork Barrel Scam.
Pahayag pa sini, pila sa mga pattern nga kaanggid amo ang mga “ghost beneficiaries,” kakulang sang opisyal nga resibo, kag supporting documents nga kinahanglanon sa idalum sang Joint Circular No. 2015-01.
Dugang pa sang natungdan, yara na sa depensa ang ‘burden of proof’ ukon obligasyon nga pamatukan ang mga alegasyon may kaangtanan sa indi mapaathag nga paggamit sang confidential funds sang Office of the Vice President kag sang Department of Education.
