Nagapati ang grupo nga Kontra Daya nga importante ang accountability kag transparency sa-34 nga adlaw sa impeachment trial ni Vice President Sara Duterte.
Ini may kaangtanan sa ginaalegar nga wala nagasanto ang net worth nanday Vice President Sara Duterte kag iya bana nga si Atty. Manases Carpio, base sa ila joint Statement of Assets, Liabilities, and Net Worth ukon SALN halin 2002 tubtob 2025, kag sa minilyon nga bank transactions nga nalakip sa ila mga ngalan.
Sa interview sang Bombo Radyo kay Danilo Arao, convenor sang Kontra Daya, iya ginpahayag nga kinahanglan mahibaluan sang publiko ang kabug-usan nga detalye parte sa mga account kag transactions nga ginpresentar sa impeachment trial.
Suno kay Arao, dapat maathag kun sin-o ang tag-iya ukon may kaangtanan sa mga account nga gin-flag sang Anti-Money Laundering Council ukon AMLC.
Dugang pa sang natungdan nga kinahanglan magpa-athag sa publiko si Vice President Sara Duterte kag si Atty. Manases Carpio kaangut ila nga SALN.
