Ginpahayag sang grupo nga Pamalakaya-Panay nga wala sang daku nga pagbag-o sa pamalakad sang subong nga administrasyon kon ipaanggid sa mga natabo sa panahon sang Martial Law.
Sa interview sang Bombo Radyo kay Nathaniel Baga-ot, spokesperson sang Pamalakaya-Panay, iya ginpahayag nga nagapadayon gihapon ang mga polisa kag tikang sang gobyerno nga para sa ila nagapugong sa kahilwayan sang mga pumuluyo.
Suno kay Baga-ot, importante nga balikan kag tun-an sang publiko ang kasaysayan sang Martial Law agud maintindihan ang epekto sini sa mga pumuluyo kag ang mga leksyon nga mahimo makuha halin sa mga natabo sang una.
Pahayag pa niya, kinahanglan nga mangin mas alerto ang publiko kag indi maqghipos lang kon may mga tikang nga mahimo makaapekto sa mga kinamatarong kag pangabuhian sang mga ordinaryo nga pumuluyo.
Nagalaum ang natungdan nga paagi sa pagpadayon sang pagtalakay sa kasaysayan kag pagproteher sang demokratiko nga mga kinamatarong, mas mapabaskog ang paghangop sang publiko sa kahulugan sang Martial Law kag ang importansya sang paglikaw nga magbalik ang mga pag-abuso nga nga natabo sa amo nga panahon.
