Nagpanawagan ang grupo nga Pinagkaisang Samahan ng mga Tsuper kag Operators Nationwide ukon PISTON kay Pangulong Ferdinand Marcos Jr., nga buksan ang tagipuson sini sa isyu may kaangtanansa PUV Modernization Program (PUVMP) ilabi na sa mga magagmay nga jeepney driver kag operators.
Ini may kaangtanan sa indi pagkilala sang Presidente sa temporaryo nga pagsuspendi sang Senado sa resolusyon sang PUV modernization program.
Suno kay Ka Mody Floranda ang national president sang Piston, nga kinahanglan liwat tun-an ni PBBM kag Department of Transportationukon DOTr ang PUVMP bangud indi lamang ang trader kag operator ang nagareklamo kundi subong man mangin ang mga mamalidha kag local manufacturer naga-alma sa nasambit nga programa.
Kadungan sini, ginsiling ni Ka Mody nga sa August 14, 2024 magatingub sang pwersa ang PISTON kag Manibela sa igapatigayon nga nationwide transport strike kag karaban.
Sa karun suno diri nga may pila sa ila nga hanay ang nagpatigayon sang protesta sa nagkalain-lain nga lugar
sa Metro Manila kag kaiping nga syudad kun sa diin ginsuguran subong nga semana.
Dugang pa ni Ka Mody nga indi mapunggan sang DOTr kag Land Transportation Franchising and Regulatory Board ukon LTFRB sa mga pamaaginga pagpasaka sang kaso ang ila ginpatigayon nga transport strike.
