ROXAS CITY – Padayon ang ginahatag nga suporta sang grupo nga Samabayanan kay Presidente Ferdinand “Bongbong” Marcos Jr.
Sa interview sang Bombo Radyo kay Ema Pedrano, Chairman sang Samabayanan ginpahayag sini nga dako ang ila pagpasalamat kay Presidente Marcos sa mga proyekto kag benepisyo nga ginahatag ilabi na sa mga kauturan nga kubos kag nagakinahanglan.
Pila sa mga gintuad ni Pedrano amu ang paghatag sang dugang nga suporta sang Presidente sa Pantawid Pamilyang Pilipino Program (4Ps), agud magtan-ay sang bulig pinansyal sa mga pamilya nga ginakulang kag pinaagi sini mabuligan sila nga mapadayon hatagan sang suporta ang ila mga kabataan nga naga-eskwela.
Apisar nga madamo ang nagapamatok kay Marcos, indi sa gihapon suno diri magbag-o ang ila pagpati kag suporta bangud indi man buot silingon suno kay Pedrano nga isa ka Marcos ang Presidente indi na mangin mangin maayo ang iya pagdumala sa pungsod.
Mensahe sini sa tanan, lantawon ang mga nahimuan kag nahatag nga bulig sang Presidente indi ang mga sala sini nga binuhatan bangud suno sa iya wala sang perpekto nga tawo.
