Nagpanawagan ang grupo sang Bayan Panay sang kinamatarong sang mga drivers kag operators nga apektado sang Modernization program kadungan sang nagahilapit nga holiday season.
Sa interview sang Bombo Radyo kay Elmer Forro, Secretary general sang Bayan Panay, iya ginpahayag nga madamu sa gihapon nga mga driver ang wala pa makabyahe bangud wala pa makarehistro sa nasambit nga programa.
Suno kay Forro, mas nagapadugang pa sa bug-at ang tuman kataas nga presyo sang gatong rason nga mas ginakulang pa gid ang iban nga mga driver.
Pahayag pa niya,indi handa sa paskwa ukon bag-ong tuig ang problema sang mga driver sa subong kundi ang kun paano mapaigo ang kita sa pang-adlaw-adlaw nga pagpangabuhi.
Dugang pa sang natungdan, i-review ang kaundan sang modernization program agud nga mas makabulig sa sektor sang transportasyon amo man sa mga manugsakay.
