Ginpahayag sang grupo sang Kadamay nga daw kaangay wala ginaseryoso ni President Ferdinand Marcos Jr. ang posible nga epekto sang El Niño sa pungsod, kadungan sang iya paghayag nahanungod sa paggamit sang balde sa pagtipon sang tubig-ulan.
Sa interview sang Bombo Radyo kay Eufemia Doringo, Secretary General sang Kadamay, iya ginpahayag nga wala sa kaugalingon ang Presidente kag wala sang bastante nga kahandaan sang gobyerno sa posible kakulang sang supply sang tubig.
Suno kay Doringo, importante man nga may long term solution paras sa maintenance sang mga water sources, s, pagpabaskog sang mga pasilidad sa pagtipon sang tubig, kag pagsiguro nga may nagakaigo nga suplay para sa mga komunidad nga mahimo maapektuhan sang El Niño.
Nagalaum man ang natungdan nga indi pagkabigon ni Marcos nga lahog ang pamahog sang tuman kainit nga panahon kag sa baylo mas mangin matutom sa paghimo sang tikang agud mapahagan-hagan ang epekto sini.
