Ginalauman sang grupo nga Karapatan nga pormal nga kilalahon si Senator Sherwin Gatchalian bilang Senate President sa special session sang Kongreso nga pagahiwaton sa pagpanguna ni President Ferdinand Marcos Jr subong nga adlaw.
Sa interview sang Bombo Radyo kay Mr. Raoul Manuel, National Council Member sang grupo nga Karapatan, iya ginpahayag nga kon may yara sang pormal nga pagkilala sa sin-o man nga lider sang Senado, mahimo nga mangin “moot and academic” ang petisyon nga ginpasaka ni Senator Alan Peter Cayetano kag sang iya grupo angut sa isyu sang liderato sa Senado.
Suno kay Manuel, importante nga masolusyunan ang anuman nga kinagamo ukon tensyon sa tunga sang mga senador agud nga makatutok ang mga ini sa mga hagna nga makabulig sa mga Pilipino.
Nagalaum man ang grupo nga ang mangin mapuslanon kag mabinungahon ang special session, kag ini magaserbe nga tikang sa pagpabakod sang koordinasyon kag pagtutok sang Senado sa mga nagapanguna nga isyu sang pungsod.
