Isa ka grupo sang manugpangisda ang nadakpan sang Panay MPS kag MENRO LGU-Panay bangud sang ilegal nga pagpangisda sa banwa sang Panay.
Ang kapitan sang bangka amo si alyas Dioleto, 69 anyos, upod ang anum ka tripulante nga sanday alyas Roy, alyas Edwin, alyas Roel, alyas Reynald, kag alyas Rene, tanan residente sang Poblacion, Pilar, Capiz.
Gindakop ang grupo matapos sila madakpan nga naga-operate sang ilegal nga pagpangisda nga ginatawag “BAKLAD” nga wala man sang Mayor’s Permit, nga paglapas gihapon sa Municipal Fishery Code sang banwa sang Panay.
Nakuha sang kapulisan ang isa ka pump boat, isa ka diesel engine, fishing nets, kag kapin sa bente (20) ka kilo sang assorted fish nga may kabug-usan nga balor nga Php254,000.00.
Ang mga suspek kag ang tanan nga nakumpiska nga kagamitan gin-turn over man sa MENRO LGU-Panay para sa husto nga proseso kag disposisyon sang kaso.
