Grupo sang manunudlo, ‘Dark side’ sang kasaysayan sang Pilipinas dapat malakip nga itudlo sa mga kabataan

Bukas ang grupo sang mga manunudlo sa nangin order ni Presidente Bongbong Marcos kay incoming Education Sec. Senator Sonny Angara nga itudlo ang history sa mga kabataan.

Pero para kay Benjo Basas, chair sang Teachers’ Dignity Coalition, suno diri dapat nga mas mangin madalom pa ang pagtudlo sang kasaysayan sa mga kabataaan.

Gintuad ni Basas nga indi dapat malipatan ang ‘dark side’ sang Philippine history.

Dapat ang tanan nga anggulo kag tyempo sang kasaysayan nga maitudlo sa mga kabataan, kalakip diri ang marital era.

Dugang pa sini, para mas lalo pa nga maintindihan sang mga estudyante ang matuod nga nagkahitabo, dapat man mahibaluan sang mga ini, indi lamang ang mga positibo, lakip naman diri ang mga negatibo.