Gin-eksplekar sang Philippine Coast Guard ang nasiplatan nga grupo sang mg Chinese Militia kag Fishing vessels sa Pag-asa Island sa West Philippine Sea.
Sa isa ka interview, ginpahayag ni PCG spokesperson Commodore Jay Tarriela nga ang madamu nga mga barko sang China nga naka-angkla sa isla ang bangud sa malain nga paniyempo.
Sa pihak sini , ginpahayag sang PCG official nga nagapabilin sa gihapon nga concern ang pagpabilin nga presensiya sang nasambit nga mga barko sang China sa sulod sang territorial waters.
Kaangut sini, ginpahayag ni Comm. Tarriela nga sa parte sang PCG kag suporta sang Armed Forces of the Philippines (AFP) ang ila nga china-challenge ang nasambit nga Chinese maritime militia vessels kada magsulod ang mga ini sa territorial sea sang Pag-asa island kag ginlaong sa mga Chinese nga ini ang parte sang teritoryo sang Pilipinas kag wala sila sang hurisdiksiyon sa nasambit nga mga katubigan kag dapat nila nga respetuhon ang soberaniya.
Ginhimu sang PCG official ang pahayag kasunod sang report base sa monitoring ni US maritime security expert Ray Powell nga nagtaas pa sa 83 Chinese militia kag fishing vessels ang na-ispatan nga madamu nga grupo sang Pag-asa island sadtong adlaw sang Miyerkules.
Apang suno kay Tarriela nagnubo na sa 30 ang numero sang mga sakayan pandagat sang China sa lugar sining aga sang Sabado
