Maga-upod ang grupo sang kabataan sa Trillion Peso March sa Pebrero 25, Miyerkules, bilang pagselebrar sang ika-40 nga anibersaryo sang EDSA People Power Revolution.
Antes sini, nagpatigayon sila sang hublag-protesta kahapon, Pebrero 21, bilang kabahin sang Black Friday Protest sa Katipunan, agud ipakita ang ila pagpamatok sa padayon nga pagtaas sang presyo sang mga balakyon kag sa naglala nga pagpangawat sa pondo sang gobyerno.
Nagpanawagan man ini sa publiko nga mag-upod sa Miyerkules.
Kadungan sini, ginabantayan sang grupo ang pre-trial sang International Criminal Court batok kay anay Presidente Rodrigo Duterte angut sa kampanya kontra iligal nga droga.
Suno kay Maria Taule, deputy secretary general sang Karapatan, kinahanglan untatan na ang extrajudicial killings nga natabo sa mga administrasyon nanday Duterte kag Marcos.
