Nagahanda na ang isa ka grupo sang kabataan para sa nagahilapit nga State of the Nation Address (SONA) ni President Ferdinand “Bongbong” Marcos Jr.
Sa interview sang Bombo Radyo kay Frank Araneta, Co-convenor sang Youth Against Kurakot Coalition, iya ginpahayag nga importante ang masunod nga SONA agud masukot ang mga ginpromisa sang presidente sa iya SONA sang tuig 2025.
Suno kay Araneta, ginalauman sini ang klaro nga paghatag sang sabat kag aksyon sa mga isyu nga ginpangako nga tutukan sang administrasyon.
Pahayag pa niya, hugot nga panawagan sang grupo amo ang pagpapanabat sa mga responsable sa ginatawag nga flood control scheme nga nagtuga sang pagkabulsa sang bilyon-bilyon ka pesos nga pondo sang publiko pinaagi sa mga ginapahayag nga kickback.
Nagapati man ang gnatungdan nga kinahanglan mangin transparent ang gobyerno kag masiguro nga may accountability sa paggamit sang kaban sang gobyerno.
