Nagapanawagan ang grupo sang mga mangunguma sa gobyerno nga mas iprioridad ang paghatag sang pundo sa produksyon kag sa mga kinahanglanon sang mga mangunguma imbes nga sa pila ka mga substandards nga Farm-to-Market Road (FMR) projects.
Sa interview sang Bombo Radyo kay Lucia Capaducio, Chairperson sang Pamanggas Region VI, iya ginpahayag nga mas kinahanglan sang mga mangunguma ang suporta para mapataas ang ila produksyon, pareho sang binhi, abono, kagamitan kag iban pa nga agricultural inputs.
Dugang pa ni Capaducio, may mga proyekto nga ginakabig nila nga gamay pa lamang ang nahuman apang nagakinahanglan sang daku nga budget.
Bangud sini, ginapangabay nila sa gobyerno nga siguraduhon nga ang pondo matupa sa nagakaigo kag kinahanglanon nga mga proyekto.
Nagalaom man ini nga mabuligan sila sang gobyerno pinaagi sa mga programa nga makapataas sang presyo sang ila mga produkto kag makapaayo sang ila pangabuhian.
