Nagpanawagan ang Teachers’ Dignity Coalition (TDC) sa mga otoridad nga usisaon sang maayo ang natabo nga pagluthang-patay sa isa ka manunudlo sa Balabagan, Lanao del Sur.
Sa isa ka pahayag, ginpahayag sang grupo nga makahalanusbo gid ang insidente ilabi na sa iban pa nga mga manunudlo sa pungsod.
Ang pagpangluthang sa manunudlo nagakatabo isa ka semana matapos ang pagpangluthang sa eskwelahan sa probinsya sang Nueva Ecija.
Nagalaum ang grupo nga mangin wake-up call ini agud mapabaskog ang proteksyon sang mga manunudlo kag estudyante sa pungsod.
Nag-apelar ang TDC sa gobyerno nga mag-alokar sang bastante nga pundo para sa seguridad sang eskwelahan, lakip na ang pag-assign sang mga security personnel, paghatag sang mga kagamitan, kag ang pagpatuman sang istrikto nga mga polisa.
Nagsiling man ini nga ang “whole-of-society approach” ang ginapatuman subong agud mapauntat ang nagalapnag nga kultura sang kalakasan sa Pilipinas.
