Ginpamangkot sang isa ka grupo sang mga tripulante ang mga tikang sang Department of Agriculture (DA) natuhoy sa nagakaubos nga stock sang isda sa pungsod.
Ginpahayag sang nasambit nga grupo, epektibo suno diri ang mga ginapatupad nga conservation measures sang DA.
Dugang pa sang grupo, ang mga maistrikto nga regulasyon sa pagpangisda kag ang tuigan nga deklarasyon sang fishing ban amo ang nagahamtang sa mga magagmay nga mga tripulante sa delikado nga kahimtangan.
Paathag sang Pamalakaya, samtang ginapaidalom ang mga nasambit nga tripulante sa maistrikto nga regulasyon, indi man masuway sang ahensya ang mga dalagkuan nga commercial fishing vessels nga responsable sa pagkaubos sang mga isda.
Paathag pa sang Pamalakaya, ang mga proyekto nga gapanamad sa mga dalagkuan nga kumpanya ang nagakadapat nga basulon sa naeksperyensyahan nga fish depletion.
Nagpromisa man ang grupo nga indi ini magpasugot sa mga posible nga pag-import sa isda bilang reaksyon sa fishing ban.
