Mas ginpalapad sang Government Service Insurance System (GSIS) ang programa nga nagatuyo nga hatagan sila sang kahigayunan nga makapanag-iya sang kaugalingon nga electric vehicle.
Sa interview sang Bombo Radyo kay Jose Arnulfo “Wick” Veloso, President kag General Manager sang GSIS, iya ginpahayag nga kabahin sang inisyatibo nga mapamag-an ang adlaw-adlaw nga gastos sa transportasyon sang mga empleyado sang gobyerno.
Suno kay Veloso, papagi sa Ginhawa Bike and E-Mobility Loan Program mahimo nga makabakal ang mga kwalipikado nga miyembro sang bisikleta kag electric-powered personal mobility devices gikan sa loan package.
Pahayag pa niya, luyag sang ila talatapan nga maghatag sang praktikal kag mas barato nga alternatibo sa pagbiyahe samtang ginasuportahan man ang paggamit sang mga environment-friendly nga salakyan.
Nagalaum man ang natungdan nga mas madamo pa nga mga empleyado sang gobyerno ang makabenepisyo sa programa para mapauswag ang kalidad sang ila pangabuhi.
