Ginaganyat sang Government Service Insurance System (GSIS) Roxas City Branch ang ila mga active members nga mag-avail sang Government Business Enterprise Loan (GBEL) kag Government Service Emergency Loan (GSEL) program para sa mga miyembro nga nagakinahanglan sang pinansyal nga bulig.
Sa interview sang Bombo Radyo kay John Vianney Ocaña, GSIS General Manager, iya ginpahayag nga ang GBEL kag GSEL ginpatigayon sang GSIS agud makahatag sang mas madasig kag mas accessible nga loan assistance para sa mga kwalipikado nga miyembro sang ahensya.
Suno kay Ocaña, ang GSEL ukon Government Service Emergency Loan ginahatag para sa mga miyembro nga naapektuhan sang emerhensya ukon nagakinahanglan sang gilayon nga pinansyal nga suporta, samtang ang GBEL ukon Government Business Enterprise Loan ginadisenyo naman para sa mga miyembro nga may negosyo ukon nagaplano magpatukod ukon magpasanyog sang ila pangabuhi pinaagi sa negosyo.
Dugang pa sang natungdan, importante nga i-avail sang mga active members ang mga benepisyo kag programa sang GSIS para sa seguridad kag kahigayunan sa mas maayo nga pangabuhian.
