Guba kag maligna nga kalsada sa pila ka mga dalanon sa Brgy. Lacaron banwa sang Dao, ginareklamo sang mga residente

ROXAS CITY – Nagpalab-ot sang reklamo ang pila ka mga concerned citizens sa Bombo Radyo angut sa guba nga dalanon nga nakaapekto sa mga umalagi sa Barangay Lacaron, Dao, Capiz.

Sa interview sang Bombo Radyo kay Punong Barangay Larry Daños nga makapila ka beses naman sini nga ginpatambakan ang amo nga dalanon.

Apang, indi malikawan nga mangin maligna kun magbubo ang mamunog nga pag-ulan sa amo nga lugar.

Ginpahayag pa sini nga duha ka beses niya ini ginapatambakan kada tuig kag kun kaisa ginagamit niya pa ang iya personal nga kwarta.

Ginklaro man sang nasambit nga opisyal nga private road ang amo nga dalanon rason nga indi ini masemento.