Patay ang ginapahayag nga kaupod sang gunman sa pagpatay sa broadcaster nga si Percy Lapid matapos ginserbihan sang arrest warrant.
Ginkilala ang nasambit nga persona bilang si alyas Orly.
Mahibaluan nga naga-renta ini sa isa ka kwarto kaupod ang iya pamilya sa Lipa City, Batangas, sang ginpadulungan sang mga awtoridad.
Suno kay Police Major General Jose Melencio Nartetz Jr., nagpamalibad nga magsungka ang suspek sa tunga-tunga sang raid rason nga nagpalupok ang operatiba.
Sa pagkamatuod suno kay Nartatez, ginhostage pa sini ang iya live-in partner kag anak.
Apang sa katapusan, nagpadulong ini sa bangyo kag didto ginluthang ang kaugalingon.
Pahayag sang mga kapulisan nga si Orly ang kaistorya sang nagsungka nga gunman nga si Joel Escorial may kaangtanan sa plano nga pagpatay kay Lapid kag dako nga bulig kun tani ang testimonya sini sa nasambit nga kaso.
Samtang, ginkilala naman sang pulisya si Orly bilang si Jake Mendoza, 40-anyos, nga naaresto na kag napreso sadtong Nobyembre 2020 bangud sa pagduso sang ilegal nga droga.
